Yn dilyn ei thaith gyntaf lwyddiannus Riawakening (Deg Sioe Stand-yp Orau 2024 – Telegraph), sylweddolodd Ria Lina ei bod hi’n fwy nag ar ddihun, roedd hi’n barod i wrthryfela.

Gallwch chi ddisgwyl ffrwd ddidrugaredd o chwerthin wrth i Ria archwilio cyflwr y byd, brwydr dragwyddol y rhywiau a hyfrydwch taflu bywyd i fyny i’r awyr ar ôl blynyddoedd o ddilyn y rheolau.

Mae Ria, sydd wedi ennill sawl gwobr ac sy’n boblogaidd iawn yn y diwydiant, yn rheoli’r llwyfan gyda chorwynt o egni ac yn gadael cynulleidfaoedd yn fyr eu gwynt o chwerthin gymaint. Mae ei chlodrestr hir yn cynnwys Live At The Apollo, Have I Got News For You?, Mock the Week, cydgyflwyno Pointless, Lovestruck High, Richard Osman’s House of Games, The Last Leg a Celebrity Mastermind.

Mae Ria Lina yn ddigrifwr, awdur ac actor dawnus iawn. Ar ôl ymddangos ar y teledu yn gwneud stand-yp ar Mock the Week (BBC), mae hi wedi dod yn enw cyfarwydd yn gyflym. Fel act sy’n cael ei edmygu ym myd comedi y DU, mae’r artist arobryn yma yn ennyn parch o’r eiliad mae’n cerdded ar y llwyfan ac mae’n perfformio gydag egni, ffyrnigrwydd a chysur naturiol. Ria yw’r digrifwr Ffilipina mwyaf amlwg yn y byd stand-yp Prydeinig. Mae ganddi BSc mewn Patholeg Arbrofol, MSc mewn Gwyddoniaeth Fforensig a PhD mewn Feiroleg, felly nid comedi Ria yn unig sy’n hynod ddeallus. 

Credyd Llun: Rachel Berkowitz