There may be trouble ahead,
But while there’s moonlight, and music,
And love, and romance…
Let’s face the music and dance

Fe’ch gwahoddir i fersiwn sioe gerdd o’r siampên penigamp gorau. Byrlymol, cain a bywiogol, mae Top Hat yn goctel rhamantus cryf wedi’i addurno â dialog ffraeth, coreograffi syfrdanol, setiau helaeth a gwisgoedd godidog. Mae sgôr hudolus Irving Berling yn cynnwys rhai o ganeuon gorau Hollywood, fel Cheek to Cheek, Let’s Face the Music and Dance, Top Hat White Tie and Tails a Puttin’ on the Ritz.

Pan mae seren Broadway Jerry Travers yn cyrraedd Llundain i agor sioe newydd, mae’n cwrdd â’r model Dale Tremont, pan mae’n cael ei deffro gan sŵn Jerry yn dawnsio tap yn y suite gwesty uwchben ei hystafell hi. Mae Jerry, sy’n syrthio mewn cariad ar unwaith, yn addo rhoi’r gorau i’w fywyd fel dyn sengl i’w hennill – ond dyw llwybr cariad byth yn syml. Yn enwedig achos mae Dale yn meddwl mai Jerry yw ei gynhyrchydd anffodus Horace, sy’n ceisio osgoi dicter ei wraig Madge, ac mae edmygwr Eidalaidd Dale yn trefnu taith i Fenis iddi er mwyn dangos ei ffrogiau ffasiynol…

Yn seiliedig ar y ffilm o 1935 gyda Fred Astaire a Ginger Rogers, enillodd premiere yr addasiad llwyfan yn y West End Wobr Olivier 2013 am y Sioe Gerdd Newydd Orau a Gwobr yr Evening Standard am y Noson Allan Orau. Mae’r cyfarwyddwr a choreograffydd llwyddiannus o’r Unol Daleithiau Kathleen Marshall, a syfrdanodd cynulleidfaoedd ac adolygwyr yn Llundain ac ar y teledu gyda’i chynhyrchiad o Anything Goes a enillodd Wobr Tony ac Olivier, yn dod i’r DU i lwyfannu’r cynhyrchiad newydd sbon yma.

Cerddoriaeth a Geiriau gan Irving Berlin


Yn seiliedig ar Ffilm RKO


Addaswyd i’r llwyfan gan Matthew White a Howard Jacques