Yn dilyn taith a werthodd pob tocyn, mae Syr Tim Rice, yr awdur geiriau arobryn sy’n adnabyddus yn rhyngwladol, yn dychwelyd i’r llwyfan gyda’i ddigwyddiad theatr gerdd byw arbennig.

Yn y sioe bydd Tim Rice yn myfyrio ar ei yrfa enwog wrth wraidd theatr gerdd, gan rannu straeon tu ôl i’r caneuon – y llwyddiannau a’r methiannau – ynghyd â hanesion am ei fywyd a pherfformiadau byw o’r catalog rhyfeddol o ganeuon sy’n gyfystyr â’i enw a’i gydweithredwyr.

Bydd cyfeiliant cerddorol yn dod o rai o gerddorion a chantorion blaenllaw’r West End (Shonagh Burns, Laura Tebbutt, Patrick Smyth, Sandy Grigelis), dan arweiniad y Cyfarwyddwr Cerddorol Duncan Waugh.

Yn llawn caneuon gan gynnwys Don’t Cry For Me Argentina, Any Dream Will Do, A Whole New World, Can You Feel The Love Tonight, I Don’t Know How To Love Him, Circle of Life, Chess, Hakuna Matata, Another Suitcase in Another Hall, I Know Him So Well, All Time High, Must Love Me, One Night In Bangkok – mae My Life in Music yn sioe mae’n rhaid i bobl sy’n dwli ar theatr gerdd a cherddoriaeth wych ei gweld.