“All the world’s a stage” – gadewch i ni ei amddiffyn. 

Mae Janie Dee, seren y West End sydd wedi ennill Gwobr Olivier ddwywaith (The Motive and the Cue a Follies - National Theatre; Stephen Sondheim’s Old Friends - Gielgud Theatre), yn wynebu argyfwng yr hinsawdd ac yn dathlu ein byd prydferth, drwy ganeuon a gair llafar. Yn anarferol ac ysbrydoledig, mae’r tro gwyrdd yma ar cabaret clasurol yn gofyn sut y gall pob un ohonom ni wneud gwahaniaeth yn y frwydr dros ein planed. Chwareus, radical, llawn gwybodaeth, ac yn y pen draw, gobeithiol.

Janie sy’n dyfeisio, cynhyrchu a pherfformio’r cabaret yma sy’n dathlu natur a’r blaned, tra ei bod hi’n tynnu sylw at y bygythiad tuag atyn nhw gan y newid yn yr hinsawdd.

Yn syth o berfformiadau llwyddiannus yng Ngŵyl Ymylol Caeredin, Abaty Wenlock a lleoliadau yn Llundain a rhanbarthol, bydd Beautiful World Cabaret yn swyno, addysgu ac yn diddanu.  

Mae Janie Dee yn actores, cantores a pherfformiwr theatr gerdd arobryn, sy’n nodedig am ei gallu amryddawn anhygoel mewn gwaith llwyddiannus ar y llwyfan, mewn ffilm, ar y teledu ac ar y radio.  

Mae clodrestr theatr ddiweddar Janie yn cynnwys Dirty Rotten Scoundrels in Concert (London Palladium), Stephen Sondheim’s Old Friends (Gielgud Theatre), The Motive and the Cue a Follies (National Theatre), a Desiree yn A Little Night Music (Palace Theatre London, Buxton Opera House, Holland Park Opera). Mae wedi cael partneriaethau artistig llwyddiannus gyda Stephen Sondheim, Alan Ayckbourn, Harold Pinter, a Peter Hall. Mae ei chlodrestr teledu ddiweddar yn cynnwys You and Me (ITVX) a’r rôl ganolog Clara Rushton yn The Burning Girls (Netflix) sy’n rhif 3 yn rhestr 10 drama uchaf y gwasanaeth ffrydio.