Profwch deyrnged arbennig i Joni Mitchell wrth i Gerddorfa Genedlaethol Gymreig y BBC wedi'i harwain gan Anthony Gabriele a'r cantorion adnabyddus Charlotte Church, Laura Mvula, ESKA, Georgia Ruth ac Olivia Chaney uno i gyflwyno’r perfformiad byw cyntaf erioed yn y DU o drefniannau cerddorfaol gwreiddiol Vince Mendoza o ganeuon o’r albymau llwyddiannus Both Sides Now a Travelogue yn Llais.

Bydd y noson yn cynnwys campweithiau sydd wedi’u trefnu’n llawn ar gyfer cerddorfa, gan ddathlu dylanwad parhaol Joni Mitchell ar gerddoriaeth gyfoes a’i rôl fel artist gweledigaethol ac ymgyrchydd.

Lluniwyd yr albwm Both Sides Now, a ryddhawyd yn 2000, fel cylch o ganeuon yn dogfennu perthynas, o’r fflyrtio cychwynnol i gyflawnder optimistaidd, gan orffen mewn dadrithiad ac anobaith eironig, ac yn olaf trosolwg athronyddol o dderbyn a'r tebygolrwydd y bydd y cylch yn ailadrodd ei hunan. Mae’r albwm dwbl Travelogue (2002) hefyd yn cynnwys trefniannau hyfryd Mendoza i ganeuon gwreiddiol Mitchell.

Yn y cyngerdd arbennig yma, bydd y cantorion gwadd hefyd yn perfformio eu dehongliadau eu hunain o rai o ganeuon Joni o amrywiaeth o albymau ar draws ei gyrfa.